દુબઈ, તા. 27 : ભારતની
આક્રમક ઓપનર સ્મૃતિ મંધાના વર્ષ 2024ની આઇસીસી મહિલા વન ડેની
સર્વશ્રેષ્ઠ ક્રિકેટર તરીકે પસંદ થઈ છે. સ્મૃતિએ આ પ્રતિષ્ઠિત એવોર્ડ બીજીવાર
જીત્યો છે. ભારતીય મહિલા ટીમની ઉપકપ્તાન સ્મૃતિએ 2024માં 13 ઇનિંગમાં
747 રન
કર્યા હતા. તેણે આ દોડમાં દ. આફ્રિકાની લોર વોલવાર્ટ (697), ઇંગ્લેન્ડની
ટોમી બ્યૂમોન્ટ (પપ4) અને વેસ્ટ ઇન્ડિઝની હેલી મેથ્યૂસ (469)ને
પાછળ રાખી દીધા હતા. ગત વર્ષે સ્મૃતિએ વન ડેમાં ચાર સદી ફટકારી હતી. અફઘાનિસ્તાનનો
ઓલરાઉન્ડર અઝમતુલ્લાહ ઓમરજાઈ આઇસીસી પુરુષ વન ડે ક્રિકેટર ઓફ ધ યર જાહેર થયો છે.
તે આઇસીસીનો આ એવોર્ડ મેળવનારો અફઘાનિસ્તાનનો પહેલો ક્રિકેટર છે. ઓમરજાઈએ 2024માં 14 વન ડે
મેચમાં 17 વિકેટ લીધી હતી અને 417 રન કર્યા હતા.
