રાજકોટ, તા. 28 : ટીમ ઇન્ડિયાને વર્ષ 2020 બાદ પહેલીવાર રાજકોટમાં હાર
સહન કરવી પડી છે. આજે અહીં રમાયેલી ત્રીજી ટી-20 મેચમાં ભારત સામે 26 રને શાનદાર જીત મેળવીને ઇંગ્લેન્ડ પ મેચની સિરીઝ 1-2થી જીવંત રાખવામાં સફળ રહ્યંy છે. રાજકોટના નિરંજન શાહ સ્ટેડિયમની સપાટ
પિચ પર 172 રનના વિજય લક્ષ્યનો પીછો કરતા ભારતીય ટીમ ઇંગ્લેન્ડની સ્પિન એન્ડ પેસ બોલિંગ સામે
9 વિકેટે 14પ રન કરી શકી હતી. ભારત તરફથી સૌથી વધુ 40 રન હાર્દિક પંડયાએ કર્યા હતા.
ભારત તરફથી કોઇ બેટર મોટી ઇનિંગ્સ રમી શકયો ન હતો અને મોટી ભાગીદારી થઇ ન હતી. આ ઉપરાંત
પાવર પ્લેમાં 3 વિકેટ ગુમાવી હતી. જે આજની હારનું કારણ
બની હતી. રાજકોટમાં પાંચ ટી-20 મેચમાં ભારતની
આ બીજી હાર છે. અગાઉ ઇંગ્લેન્ડે 20 ઓવરમાં 9 વિકેટે 171 રનનો સ્કોર કર્યો હતો, જેમાં બેન ડકેટની અર્ધસદી (પ1) અને લિયામ લિવિંગસ્ટનના પ છગ્ગાથી આતશી 43 રન મુખ્ય હતા. ભારત તરફથી ચમત્કારિક
સ્પિનર વરૂણ ચક્રવર્તીએ પ વિકેટ ઝડપી હતી. શ્રેણીની ચોથી મેચ શુક્રવારે પૂણેમાં રમાશે.
172 રનના વિજય લક્ષ્યનો પીછો કરી
રહેલી ભારતીય ટીમની શરૂઆત નબળી રહી હતી. સંજૂ સેમસન સતત ત્રીજી મેચમાં નિષ્ફળ રહ્યો
હતો અને 3 રને આઉટ થયો હતો. અભિષેક શર્મા 14 દડામાં પ ચોગ્ગાથી 24 રનની કેમિયો ઇનિંગ્સ રમી પાછો
ફર્યો હતો. કેપ્ટન સૂર્યકુમાર યાદવ (14)ની નિષ્ફળતા યથાવત રહી હતી. પાછલી 4 ઇનિંગ્સમાં આઉટ થયા વિના 318 રન કરનાર તિલક વર્મા આદિલ રશીદના
દડામાં 18 રને કલીન બોલ્ડ થયો હતો. વોશિંગ્ટન
સુંદર 6, અક્ષર પટેલ 1પ રને આઉટ થયા હતા. આથી ભારતની હાર નિશ્ચિત
બની ગઇ હતી. હાર્દિક પંડયાએ 3પ દડામાં
1 ચોગ્ગા-2 છગ્ગાથી 40 રન કરી ઇંગ્લેન્ડના
બોલરો સામે લડત આપી હતી. શમી 1 છગ્ગાથી 7 રને આઉટ થયો હતો. ધ્રુવ જુરેલ 4 અને વરૂણ 1 રને નોટઆઉટ રહ્યા હતા. ઇંગ્લેન્ડ તરફથી
જેમી એવરટને સૌથી વધુ 3 વિકેટ લીધી
હતી. આર્ચર અને બાયડન કાર્સને 2-2 વિકેટ મળી
હતી. સ્પિનર આદિલ રશીદે 4 ઓવરમાં ફકત
1પ રન આપી 1 વિકેટ ઝડપી હતી. અગાઉ ભારતીય કપ્તાન સૂર્યકુમાર
યાદવે સતત ત્રીજી મેચમાં ટોસ જીતી ફિલ્ડિંગ પસંદ કરી હતી. ઇંગ્લેન્ડ ટીમ ફરી એકવાર
ભારતની સ્પિન જાળમાં ફસાઇ હતી અને રાજકોટની સપાટ પીચ પર 20 ઓવરમાં 9 વિકેટે 171 રનના સ્કોર સુધી પહોંચી હતી. ભારત તરફથી વરુણ ચક્રવર્તીએ અદ્ભુત
સ્પિન બોલિંગ કરીને 4 ઓવરમાં 2પ રનમાં પ વિકેટ ઝડપી હતી. ઇંગ્લેન્ડ તરફથી
ઓપનર બેન ડકેટે પ1 અને લિયામ
લિવિંગસ્ટને 43 રનની ઝડપી ઇનિંગ્સ રમી હતી.
પાવર પ્લેની 6 ઓવરમાં ઇંગ્લેન્ડના 1 વિકેટે પ2 રન થયા હતા. 10 ઓવરમાં 3 વિકેટે 87 રન કરનાર ઇંગ્લેન્ડે આખરી 10 ઓવરમાં 6 વિકેટ ગુમાવી
84 રન કર્યા હતા. ઇંગ્લેન્ડના
દાવનો પ્રારંભ ફરી નબળો રહ્યો હતો. ફિલ સોલ્ટ પ રને બીજી ઓવરમાં જ હાર્દિકનો શિકાર
બન્યો હતો. આ પછી બેન ડકેટ અને કપ્તાન જોસ બટલર વચ્ચે બીજી વિકેટમાં 4પ દડામાં 76 રનની ઝડપી ભાગીદારી થઈ હતી.
આ પછી મિસ્ટ્રી સ્પિનર વરુણ ચક્રવર્તીની જાળમાં ઇંગ્લેન્ડની મધ્ય હરોળ આબાદ ફસાઇ હતી.
બેન ડકેટનો શિકાર અક્ષરે કર્યો હતો. તે 28 દડામાં 7 ચોગ્ગા -2 છગ્ગાથી ધૂંઆધાર પ1 રન કરી આઉટ થયો હતો. કપ્તાન બટલર 22 દડામાં 1 ચોગ્ગા-1 છગ્ગાથી 22 રને આઉટ થયો
હતો. એક સમયે ઇંગ્લેન્ડનો સ્કોર 2 વિકેટે 87 રન હતો અને સમયાંતરે ખરતી વિકેટોને
લીધે 8 વિકેટે 127 રન પર આવી ગયો હતો. 40 રનમાં 6 વિકેટ ગુમાવી
હતી. હેરી બ્રુક 8, જેમી સ્મિથ
6, જેમી એવરટન 0, બાયડન કાર્સ 3 અને જોફ્રા આર્ચર ઝીરોમાં આઉટ થયા હતા.આ
દરમિયાન લિવિંગસ્ટને એક છેડો સંભાળીને 24 દડામાં પ છગ્ગા અને 1 ચોગ્ગાથી 43 રનની વિસ્ફોટક
ઇનિંગ રમી હતી. અંતિમ વિકેટનાં રૂપમાં આદિલ રશીદ (10) અને માર્ક વૂડ (10)એ 18 દડામાં 24 રનનો બહુમૂલ્ય ઉમેરો કરીને
ઇંગ્લેન્ડનો ટોટલ 20 ઓવરના અંતે
9 વિકેટે 171 રનના સન્માજનક સ્કોર પર પહોંચાડયો હતો. ભારત તરફથી વરુણ ચક્રવર્તીની
પ વિકેટ ઉપરાંત હાર્દિક પંડયાને 2 વિકેટ મળી
હતી. અક્ષર પટેલ અને રવિ બિશ્નોઇએ 1-1 વિકેટ લીધી હતી. વાપસી કરનાર શમીને વિકેટ પ્રાપ્ત થઈ ન હતી.
