કુઆલાલ્મપુર, તા. 28 : ઓપનર જી.
તૃષાની આક્રમક સદી બાદ બોલરોના સહિયારા શાનદાર દેખાવથી આઇસીસી અન્ડર-19 મહિલા ટી-20 વિશ્વ કપના સુપર સિક્સ રાઉન્ડની
આજે રમાયેલી મેચમાં સ્કોટલેન્ડ વિરુદ્ધ ભારતનો 1પ0 રને મહાવિજય
થયો હતો. ભારતના 20 ઓવરમાં 1 વિકેટે 208 રનના જવાબમાં સ્કોટલેન્ડ ટીમનો 14 ઓવરમાં પ8 રનમાં ધબડકો થયો હતો. પ્લેયર ઓફ ધ મેચ જી.
તૃષાએ પ9 દડામાં 13 ચોગ્ગા-4 છગ્ગાથી 110 રને નોટઆઉટ રહી હતી. મહિલા
અન્ડર-19 ટી-20 વર્લ્ડ કપ ઇતિહાસમાં સદી કરનારી
તેણી પહેલી બેટર બની છે. આયુષી શુક્લાએ 4 વિકેટ લીધી હતી. તૃષાએ 3 વિકેટ પણ લીધી હતી. ભારતીય ટીમ પહેલાથી જ સેમિ ફાઇનલમાં જગ્યા
બનાવી ચૂકી છે. તૃષા અને કમાલિની વચ્ચે પહેલી વિકેટમાં 147 રનની ભાગીદારી થઈ હતી. કમાલિનીએ
42 દડામાં 9 ચોગ્ગાથી પ1 રન કર્યા હતા. સનિકા ચલકે 29 રને અણનમ રહી હતી. બાદમાં 209 રનના વિજય લક્ષ્ય સામે સ્કોટિશ
મહિલા ટીમ પ8 રનમાં ડૂલ થઈ ગઈ હતી. આયુષી શુક્લાએ 4 અને વૈષ્ણવી શર્મા અને જી. તૃષાએ 3-3 વિકેટ લીધી હતી.
