આઇપીએલ ઓક્શનના લીધે બોલિંગ કોચ વિટ્ટોરી ઓસ્ટ્રેલિયા ટીમનો સાથ છોડશે

નવી દિલ્હી, તા.18: ઓસ્ટ્રેલિયાનો બોલિંગ કોચ ડેનિયલ વિટ્ટોરી પર્થમાં ભારત સામે રમનાર પહેલા ટેસ્ટ દરમિયાન કાંગારુ ટીમના ડ્રેસિંગ રૂમમાં અનુપસ્થિતિ રહેશે. આ દરમિયાન તે સનરાઇઝર્સ હૈદરાબાદના હેડ કોચનાં રૂપમાં સાઉદી અરબના જેદાહમાં યોજાનાર આઇપીએલના મેગા ઓકશનમાં હાજરી આપશે. ભારત અને ઓસ્ટ્રેલિયા વચ્ચેનો પહેલો ટેસ્ટ પર્થમાં તા. 22મી શુક્રવારથી શરૂ થવાનો છે જ્યારે જેદાહમાં આઇપીએલનું મેગા ઓક્શન તા. 24 અને 2પ નવેમ્બરે છે. આ કારણે ઓસિ. બોલિંગ કોચ વિટ્ટોરી ટીમનો થોડા સમય માટે સાથ છોડશે. ક્રિકેટ ઓસ્ટ્રેલિયાએ વિટ્ટોરીને મંજૂરી આપી દીધી છે. આ જ કારણે કોમેન્ટ્રી કરનાર પંજાબ કિંગ્સના હેડ કોચ રીકિ પોન્ટિંગ અને લખનઉ સુપર જાયન્ટ્સના હેડ કોચ જસ્ટિન લેંગર પર્થ ટેસ્ટ દરમિયાન કોમેન્ટ્રી બોકસ છોડશે.