ભુજ, તા. 17 : ધી મુસ્લિમ એજ્યુકેશન સ્કૂલ ખાતે જિલ્લા કક્ષાની
શાળાકીય કુસ્તી (બહેનો) સ્પર્ધાનું આયોજન કરાયું હતું, જેમાં પાટીદાર કન્યા વિદ્યાલય- ભુજની વિદ્યાર્થિનીઓ
અંડર-19 સ્પર્ધામાં ઝળકી હતી. નાકરાણી માનસી નીલેશભાઈ - (56 કિ.ગ્રા.) પ્રથમ, પોકાર
આસ્થા હસમુખભાઈ (50 કિ.ગ્રા.) દ્વિતીય, માકાણી
આયુષી અશ્વિનભાઈ - (57 કિ.ગ્રા.) દ્વિતીય અને લાખાણી ધાર્વિ જગદીશભાઈએ - (52 કિ.ગ્રા.)
તૃતીય ક્રમાંક પ્રાપ્ત કર્યો હતો. આ માટેનું માર્ગદર્શન શાળાના વ્યાયામ શિક્ષિકા
વૃત્તિબેન એસ. માંકડે આપ્યું હતું. તેમની આ ઉત્કૃષ્ટ સિદ્ધિ બદલ શાળાના આચાર્યા નયનાબેન
ચૌહાણ, કન્વીનર ડો. કે વી. પાટીદાર, સહકન્વીનર અમૃતભાઈ પટેલ, શિક્ષણ સમિતિના સભ્યો
તથા શાળા પરિવારે અભિનંદન પાઠવ્યા હતા.
