ભુજ, તા. 18 : દુષ્કર્મ અને જાતીય સતામણી અંગે નોંધાયેલી ફોજદારી
ફરિયાદ રદ કરવા માટે અત્રેના ધારાશાત્રી હેનરી જેમ્સ ચાકોએ હાઈકોર્ટ સમક્ષ કરેલી અરજી
પરત ખેંચી લીધી છે. અંદાજિત છ મહિના પહેલાં ભુજ શહેર બી-ડિવિઝન પોલીસ મથકમાં ગુનો દાખલ
થયો હતો. આ પછી હજુ આરોપીની ધરપકડ બાકી છે. એક બાજુ તેના આગોતરા જામીન અરજીની સુનાવણી
પેન્ડિંગ છે, તો બીજી બાજુ ફરિયાદ રદ કરવા પણ હાઈકોર્ટમાં ધા નાખી હતી. આ વચ્ચે આરોપી
દ્વારા અરજી પરત ખેંચી લેવામાં આવી છે.
