ગાંધીધામ, તા. 15 : રાપર તાલુકાના રામવાવ ગામમાં એક દુકાનના
પતરા તોડી અંદર ઘૂસેલા નિશાચરોએ તેમાંથી રોકડ
રૂા. 12,000ની ચોરી કરી હતી. રામવાવ ગામમાં રહેતા ફરિયાદી ધીરજ ભચુ ઢીલા (આહીર) ગામમાં
જ માધવ એન્ટરપ્રાઇઝ નામની દુકાન ચલાવે છે. ગત તા. 13/9ના રાત્રે દુકાન બંધ કરી આ વેપારીએ
તા. 14/9ના દુકાન ખોલતાં પોતાની દુકાનમાં ચોરી થઇ હોવાનું બહાર આવ્યું હતું. તેમની
આ દુકાન પાછળ આવેલા ગોદામનું પતરું તોડી નિશાચરો અંદર ખાબક્યા હતા અને દુકાનની બારીનું
લોક તોડયું હતું. દુકાનના ગલ્લામાં રાખેલા રોકડ રૂા. 12,000ની ચોરી કરી તસ્કરો નાસી
ગયા હતા. ચોરીના આ બનાવને કારણે ચકચાર પ્રસરી હતી. પોલીસે બનાવ અંગે ફરિયાદ નોંધી આગળની
તપાસ હાથ ધરી છે.
