ગાંધીધામ, તા. 9 : સામખિયાળી - મોરબી ધોરીમાર્ગ ઉપર લાકડિયા
પોલીસે એક ગાડીમાંથી રૂા. 3.17 લાખના શરાબ સાથે બે આરોપીની ધરપકડ કરી હતી. આ ધોરીમાર્ગ
ઉપર દારૂ ભરેલી ગાડી આવતી હોવાની બાતમીના આધારે
પોલીસે સઘન તપાસ આરંભી હતી. દરમ્યાન કિયા સેલટોસ
ગાડી નં. જીજે.-31.-ડી.-8524માંથી વિવિધ બ્રાન્ડની
વિદેશી દારૂની બોટલ નંગ 288 કિં. રૂા.
1,98,192 તથા જુદી-જુદી બ્રાન્ડના દારૂના કવાર્ટરિયા નંગ 778 મળ્યા હતા, જેની કિંમત રૂા. 1,19,040 આંકવામાં આવી છે. આ કાર્યવાહીમાં
આરોપી મનોહરસિંગ આયદાનરામ ચૌધરી (મૂળ રાજસ્થાન,હાલે ગાંધીધામ) તથા વિજય મુકેશભાઈ ગઢવી
( રહે. ગાંધીધામ)ની ધરપકડ થઈ હતી. પોલીસે દસ લાખના વાહન તેમજ બે મોબાઈલ કિં. રૂા.20 હજાર સાથે કુલ રૂા.
13,37,232નો મુદ્દામાલ હસ્તગત કર્યો હતો. દારૂના આ પ્રકરણમાં અન્ય કોઈ આરોપી સામેલ છે કે નહીં, દારૂનો
જથ્થો કોણે આપ્યો હતો સહિતની દિશામાં પોલીસે વધુ તપાસ આરંભી છે.
