ભુજ, તા.22:
શુક્રવારે ભારત સહિત વિશ્વના અનેક દેશોમાં યોગ દિવસ ઉજવાયો હતો ત્યારે ભુજની એક બાળકી
નાનપણથી જ આ યોગ પ્રવૃતિમાં જોડાઈ અવનવા યોગ કરતબ દેખાડી આ વિદ્યાને આત્મસાત કરી રહી
છે. દેવલ સામભાઈ ગઢવી નામની આ બાળકી પાંચ વર્ષની હતી ત્યારે ઝાડ કે દિવાલ પરથી કુદકા
લગાવતી. એ પ્રવૃતિને તેમના માતાએ યોગ તરફ વાળવા માટે નિમીત બનાવી હતી. કેન્દ્રીય વિદ્યાલયમાંથી
અભ્યાસ કરતી દેવલે બે વખત ગોલ્ડ અને બે વખત સિલ્વર મેડલ જિલ્લા સ્તરે જીત્યા હતા. સાઈકલીંગ,
મેરેથોન સહિતમાં આ બાળકી અગ્રેસર રહેતી હોવાનું ઉમા યોગ કેન્દ્રના ભાવનાબેન તથા યોગ
કોચ જાનકીબેન જોશીએ જણાવ્યું હતું. યોગ દિવસે દેવલે વિવિધ સ્થળે પોતાના યોગ કરતબ દેખાડી
સૌને પ્રભાવિત કર્યા હતા. બાળકી પાસે આ એક ઈશ્વરીય દેન હોવાનું પીટી શિક્ષક સુનિલભાઈ
અને આચાર્ય શ્રી રાવતે જણાવ્યું હતું.