નવી દિલ્હી, તા. 12 : રશિયાએ યુક્રેન
પર અત્યાર સુધીનો સૌથી મોટો ઘાતકી હુમલો કરતાં 560થી 700 જેટલા ડ્રોન
અને 15+ કેએચ-101 મિસાઇલ છોડયાં હતાં. લવીવ, લુત્સ્ક, ચેર્નિવ્ત્સી
રશિયાનાં નિશાને છે. આમાં 3 પરમાણુ-સક્ષમ
ટીયુ-95 અને ટીયુ-160 સહિત 10 બોમ્બર્સ કિવ તરફ આગળ વધી રહ્યા
છે અને અમેરિકન શસ્ત્રો તેનાં લક્ષ્ય પર છે.
રશિયાએ મિશનમાં 3થી વધુ પરમાણુ
સક્ષમ ટીયુ-95 અને ટીયુ-160 બોમ્બર્સને તૈનાત કરતાં ધમકી
આપી છે કે, તે ચમકતા અમેરિકન રમકડાં
આગામી હુમલાની આગમાં કચડી નખાશે. હુમલાના મુખ્ય લક્ષ્યો લવીવ, લુત્સ્ક અને ચેર્નિવ્ત્સી હતા, જે યુક્રેનના પશ્ચિમ ભાગમાં
સ્થિત છે. આ શહેરો પર રશિયા દ્વારા ભારે હુમલો કરવામાં આવ્યો છે, જેનાથી ત્યાંના લોકો અને માળખાગત સુવિધાઓને ભારે નુકસાન થયું છે. અહેવાલો અનુસાર,
લગભગ 10 રશિયન બોમ્બર્સ
હવે યુક્રેન તરફ આગળ વધી રહ્યા છે. તેમાં 3થી વધુ પરમાણુ-સક્ષમ ટીયુ-95 અને ટીયુ-160 બોમ્બર્સનો સમાવેશ થાય છે, જે કિવ તરફ આગળ વધી રહ્યા છે. યુક્રેનનાં આકાશમાં
રશિયન બોમ્બર્સની હાજરી સાથે પરિસ્થિતિ વધુ તંગ બની છે. યુક્રેનના સૈન્ય અને નાગરિક સુરક્ષા દળો આ હુમલાઓનો
સામનો કરવા માટે તૈયાર છે. પરંતુ રશિયાની તાકાત અને વિસ્તારને જોતાં, આ એક મોટો પડકાર છે. આ હુમલાએ સમગ્ર વિશ્વમાં આક્રોશ ફેલાવ્યો છે. કેટલાક દેશોએ
યુક્રેનને મદદ કરવાનું વચન આપ્યું છે, જ્યારે અન્ય દેશો રશિયા
પર પ્રતિબંધો લાદવાની વાત કરી રહ્યા છે.
