નાના દિનારા (તા. ભુજ), તા. 17 : તાલુકાના પચ્છમ વિસ્તારના નાના
દિનારા-ફઝલવાંઢનો રસ્તો અતિ જર્જરિત થતાં ગ્રામજનો ત્રસ્ત થયા છે. જિલ્લા પંચાયત સભ્ય
તૈયબ ઇબ્રાહીમ સમા તથા માજી સરપંચ નૂરમામદ સમા, પૂર્વ ઉપસરપંચ ફઝલ સમા વિગેરેએ અખબારી
યાદીમાં કહ્યું હતું કે, આ રસ્તો બિસ્માર છે. 15 વર્ષથી મરંમત થયો નથી. વાહન વ્યવહાર,
એમ્બ્યુલન્સ, દર્દીઓને દવાખાને લઇ જવા બહુ તકલીફ પડી રહી છે. ધારાસભ્ય તેમજ ઉચ્ચકક્ષાએ
આ બાબતે રજૂઆત કરતાં દરખાસ્ત ગાંધીનગર મોકલી દેવાઇ હોવાની ખાતરી મળી છે, ત્યારે આ બાબતે ત્વરિત રસ્તાનું મરંમત
કાર્ય થાય તેવી માંગ ઊઠી છે.
