ભુજ,
તા.1 : સુપ્રીમ કોર્ટની ઈ-કમિટિની માર્ગદર્શન મુજબ ઈ-કોર્ટ પ્રોજેકટ હેઠળ લોકોને કાથગળ વિના ઈ-સેવા કેન્દ્ર આપવામાં આવ્યું છે. સુપ્રીમ કોર્ટ અને હાઈકોર્ટની સૂચના અન્વયે આજે જિલ્લા અદાલત ભુજ તથા અંજાર, ગાંધીધામ, ભચાઉ, માંડવી, મુંદરા અને નખત્રાણાની કોર્ટમાં ઈ-સેવા કેન્દ્રનો આરંભ થયો હતો. આ ઈ-સેવા કેન્દ્રનો હેતુ અરજદારોને પડતી મુશ્કેલી નિવારવા માટે છે જેમાં અદાલતમાં આવતા પક્ષકારોને પોતાનો કેસ કઈ કોર્ટમાં તથા કયા સ્તરે છે તે જણાવી શકાય અને મુશ્કેલી ન અનુભવાય તે હેતુથી આજે ઈ-સેવા કેન્દ્ર ભુજ જીલ્લા અદાલત ખાતે મુખ્ય જીલ્લા ન્યાયાધિશ શ્રી એ.એલ.વ્યાસ તથા ભુજ બારના સભયો દ્વારા પ્રારંભ કરવામાં આવ્યો હતો. જ્યારે માંડવીની સિવીલ કોર્ટમાં જજ કે.એ. ડાભીના હસ્તે ઈ-સેવા કેન્દ્રનો પ્રારંભ થયો હમતો. આ પ્રસંગે અધિક સિવીલ જજ સ્વાતી રાજવીર, માંડવીબાર પ્રમુખ કે. એન. રાગ, બારના સભ્યો તથા માંડવી કોર્ટ સ્ટાફ ઉપસ્થિત રહ્યો હતો. - પેપરલેસ ઈ-સેવા કેન્દ્રમાં ઉપલબ્ધ ઈ-સેવાઓ : ઈ-મેઈલ માય કેસ સ્ટેટસ (ઈએમસીએસ) મારફતે ગુજરાતની હાઈકોર્ટ અને જીલ્લા / તાલુકા અદાલતોના તમામ કેસોનું સ્ટેટર, તારીખ અને આગામી સ્થિતિ વગેરે. : કેસ સ્ટેટસ સુનાવણીની આગામી તારીખ અને અન્ય વિગતો વિષે પુછપરછ : અરજકર્તાઓને ઈ-સ્ટેમ્પ પેપર / ઈ-પેમેન્ટ માટેની ઓનલાઈન ખરીદી પ્રક્રિયા અને તકનીકી માર્ગદર્શન : રજા પરના ન્યાયાધિશો અંગેની પુછપરછ : જિલ્લા કાનુની સેવા સતા મંડળ, હાઈકોર્ટ કાનુની સેવા સમિતિ અને સુપ્રીમ કોર્ટ કાનુની સેવા સમિતિ પાસેથી મફત કાનુની સહાય કેવી રીતે મેળવી શકાય તે અંગેનું માર્ગદર્શન
