ગાંધીધામ, તા. 10 : તાલુકાનાં કિડાણાના શખ્સને એક વર્ષ માટે
તડીપાર કરાયો હોવા છતાં પરત આવતાં પોલીસે તેને પકડી પાડયો હતો. કિડાણાની જગદંબા સોસાયટીમાં
રહેનાર અશોકગિરિ સુખગિરિ ગોસ્વામી નામના શખ્સને ગત તા. 2/5/2024ના કચ્છ તથા મોરબી,
પાટણ, સુરેન્દ્રનગર જિલ્લામાંથી તડીપાર કરી અમદાવાદ ખાતે મોકલી દેવામાં આવ્યો હતો.
એક વર્ષ માટે તડીપાર કરાયેલો આ શખ્સ આજે સાંજે કિડાણાની જગાદંબા સોસાયટી પાછળ મેદાનમાં
નજરે પડતાં પોલીસે તેને પકડી પાડી તેના વિરુદ્ધ ગુનો નોંધ્યો હતો.
