નિરોણાની વાડીમાં ઝેરી દવા પીનારા યુવાનનું સારવાર દરમ્યાન મોત

ભુજ, તા. 6 : નખત્રાણા તાલુકાના નિરોણાની વાડીમાં ગત તા. 26/10ના ઝેરી દવા ગટગટાવનારા 27 વર્ષીય યુવાન મામદ ભચુ પઠાણનું આજે સારવાર દરમ્યાન મૃત્યુ થયું છે. આ અંગે નિરોણા પોલીસ મથકે નોંધાયેલી વિગતો મુજબ ઓરીરા-નિરોણા રહેતા મામદ પઠાણે ગત તા. 26/10ના અડધી રાતે નિરોણાની વાડીમાં કોઇ અગમ્ય કારણોસર ઝેરી દવા પી લીધી હતી. આ બાદ મામદને સારવાર અર્થે ભુજની ખાનગી હોસ્પિટલમાં ખસેડાયો હતો પરંતુ સારવાર કારગત ન નીવડતાં આજે તેણે હોસ્પિટલના બિછાને અંતિમ શ્વાસ લીધા હતા. નિરોણા પોલીસે અકસ્માત મોતનો ગુનો દાખલ કરી કાર્યવાહી હાથ?ધરી છે.