કુઆલાલ્મપુર, તા. 21 : સ્પિનર વૈષ્ણવી શર્માને હેટ્રિક સહિત
5 વિકેટની મદદથી ભારતે અન્ડર-19 મહિલા ટી-20 વિશ્વ કપની બીજી મેચમાં યજમાન દેશ મલેશિયા
વિરુદ્ધ 17 દડામાં લક્ષ્ય હાંસલ કરીને 10 વિકેટે જબરદસ્ત જીત મેળવી હતી. વૈષ્ણવીએ ચાર
ઓવરમાં માત્ર પ રન આપી પ વિકેટ ઝડપી હતી. તેણે આ દરમિયાન ઉપરાઉપરી 3 દડામાં 3 વિકેટ
ઝડપી હેટ્રિક રચી હતી જ્યારે આયુષી શુક્લાએ 8 રનમાં 3 વિકેટ ઝડપી હતી. વૈષ્ણવી-આયુષીની
સ્પિન જાળમાં ફસાઈને મલેશિયા ટીમ 14.3 ઓવરમાં માત્ર 31 રનમાં ઢેર થઈ ગઈ હતી. જેમાં
સૌથી વધુ 11 રન મિ. એક્સ્ટ્રાના હતા. મલેશિયાની કોઈ બેટર ડબલ ફીગરમાં પહોંચી ન હતી.
ચાર બેટર શૂન્યમાં આઉટ થઈ હતી. બાદમાં ભારતીય
યુવા મહિલા ટીમે 2.પ ઓવરમાં વિના વિકેટે 32 રન કરી 10 વિકેટે શાનદાર વિજય હાંસલ કર્યો
હતો. જી તૃષા 12 દડામાં પ ચોક્કાથી 27 રને અને જી. કમાલિની 4 રને નોટઆઉટ રહ્યા હતા.
અન્ડર-19 મહિલા ટી-20 વિશ્વ કપના ગ્રુપ એમાં ભારતનો હવે પછીની ત્રીજી અને આખરી ગ્રુપ
સ્ટેજની મેચ શ્રીલંકા સામે ગુરૂવારે રમાશે. ભારતે પહેલી મેચમાં વેસ્ટ ઇન્ડિઝને 9 વિકેટે
હાર આપી હતી.
