ગાંધીધામ, તા. 14 : રાપરના
ડાવરી નજીક બાઈક સ્લીપ થતાં સત્યેન્દ્રસિંહ મુલાયમસિંહ તોમર નામના યુવાનનું મોત
થયું હતું. ભચાઉના રતનપર ખડીરમાં સામજી બેચર વરચંદના મકાનમાં કામ ચાલતું હોવાથી
શૈલેન્દ્રસિંઘ ઉદયવિરસિંઘ તોમર અને સત્યેન્દ્ર ત્યાં જ મજુરી કામ કરી ત્યાં જ
રહેતા હતા. ટાઈલ્સ ફિટીંગનું કટીંગ પટ્ટો લેવા માટે તા. 13/7ના આ
બંને નીકળ્યા હતા. બાઈક નંબર જી.જે. 12 ઈ એમ 5617થી આ
બંને ડાવરી રવેચીનગર વચ્ચે પહોંચ્યા હતા ત્યારે વળાંક આવતા બાઈક સ્લીપ થતાં ગંભીર
ઈજાઓના પગલે ચાલક સત્યેન્દ્રનું મોત થયું હતું. જયારે ફરિયાદીને ઈજાઓ થતાં તેને
સારવાર અર્થે લઈ જવાયો હતો.
