બ્રૂકની ફાંકડી સદી એળે : કિવીની જીત

માઉન્ટ મોન્ગાનુઇ, તા. 26 : કેપ્ટન હેરી બ્રૂકની વન-ડે ક્રિકેટની અદ્ભુત સદી છતાં ન્યૂઝીલેન્ડ સામેની પહેલી વન- ડેમાં ઇંગ્લેન્ડ ટીમનો પરાજય થયો હતો. 224 રનનો વિજય લક્ષ્યાંક ન્યૂઝીલેન્ડે 80 દડા બાકી રાખીને 36.4 ઓવરમાં 6 વિકેટ ગુમાવી હાંસલ કરી લીધો હતો અને 4 સાથે 3 મેચની વન-ડે શ્રેણીમાં 1-0થી આગળ થયું હતું. પરાજિત સુકાની અને મેન ઓફ ધ મેચ બનેલા હેરી બ્રૂકે એકલવીર બની 101 દડામાં 9 ચોગ્ગા અને 11 છગ્ગાથી 13પ રનની અદ્ભુત અને ચમત્કારિક ઇનિંગ્સ રમી હતી. કપ્તાન બ્રૂક જ્યારે ક્રીઝ પર આવ્યો ત્યારે ઈંગ્લેન્ડનો સ્કોર 3 વિકેટે પ રન હતો. આ પછી સ્કોર 4 વિકેટે 10 રન અને પ વિકેટે 33 રન થયો હતો, પણ બ્રૂક દબાણમાં આવ્યો નહીં અને એક છેડેથી જોરદાર ફટકાબાજી ચાલુ રાખી કિવી બોલરોનો કચ્ચરઘાણ કાઢ્યો હતો. તેના સિવાય જેમી ઓવરટને 46 રન કર્યા હતા. જયારે જેમી સ્મિથ ઝીરોમાં, બેન ડકેટ બે રને, જો રૂટ બે રને, જોસ બટલર 4 રન, જેકોબ બેથેલ બે રને, સેમ કરન 6 રને, બ્રાયડન કાર્સ શૂન્યમાં, રશીદ 4 અને વૂડ પ રને આઉટ થયા હતા. આથી ઇંગ્લેન્ડ ટીમ 3પ.2 ઓવરમાં 223 રને ઓલઆઉટ થઇ હતી. ન્યૂઝીલેન્ડ તરફથી ઝેકરી ફોકલ્સે 4, જેકોબ ડફીએ 3 અને મેટ હેનરીએ 2 વિકેટ લીધી હતી. બાદમાં ન્યૂઝીલેન્ડ ટીમે 36.4 ઓવરમાં 6 વિકેટે 224 રન કરી જીત નોંધાવી હતી. કિવીઝ તરફથી ડેરિલ મિચેલ 91 દડામાં 7 ચોગ્ગા-2 છગ્ગાથી 78 રને નોટઆઉટ રહ્યો હતો. આ સિવાય માઇકલ બ્રેસવેલે પ1 અને કેપ્ટન મિચેલ સેંટનરે 27 રન કર્યા હતા. ઇન્ટરનેશનલ ક્રિકેટમા 7 મહિના પછી વાપસી કરનાર કેન વિલિયમ્સન ગોલ્ડન ડક થયો હતો. રચિન પણ 17 રન જ કરી શકયો હતો. ઇંગ્લેન્ડ તરફથી બ્રાયડન કાર્સે 3 વિકેટ લીધી હતી.