ભુજ, તા. 20 : ઓનલઈન છેતરપીંડીની વધતી ઘટનાઓ વચ્ચે પશ્ચિમ કચ્છ
પોલીસની સ્થાનિક ગુનાશોધક શાખા હેઠળના સાયબર સેલે ઠગાઈમાં ગયેલી રકમ પૈકી 98000 ફ્રીઝ
કરાવી અરજદારને પરત અપાવ્યા હતા. અરજદાર મહેશભાઈ હીરાણીને ક્રેડિટ કાર્ડના રિવોર્ડ
પોઈન્ટ જમા કરવાની લાલચ આપતો અજાણ્યા નંબરથી ફોન આવ્યો હતો અને ઠગબાજે વોટ્સએપ પર લિંક
મુક્યા બાદ ઓટીપી આપી દેતાં તેમના ખાતામાંથી 99,618 ઉપડી ગયા હતા. ફરિયાદીએ તુરંત સાયબર
સેલને જાણ કરતાં પોલીસે પત્રવ્યવહાર અને ટેકનિકલ સંદર્ભોની મદદથી રૂા. 98 હજાર ફ્રીઝ
કરાવી અરજદારને પરત અપાવ્યા હતા.
