ભુજમાં મળેલી બેઠકમાં કાયદાની સમજ સાથે જાગૃતિના કાર્યક્રમો માટે હાકલ

ભુજ, તા. 13 : ચેરપર્સન રેખાબેન દવેના અધ્યક્ષસ્થાને જિલ્લા પંચાયત ભુજ ખાતે જિલ્લાકક્ષાની પીસી પીએનડીટી એડવાઈઝરી કમિટીની બેઠક મળી હતી. આ બેઠકમાં રજિસ્ટ્રેશન માટે આવેલી નવી અરજીઓ તથા રિન્યૂઅલ માટે આવેલી અરજીઓને મંજૂરી આપવામાં આવી હતી. પીસી પીએનડીટી અંગે કાયદાકીય સમજ માટે લોકોમાં જાગૃતિ આવે તે માટેના કાર્યક્રમો યોજવા, સમૂહલગ્નમાં પ્રતિજ્ઞા સંદેશ મોકલવા, મહિલા કોલેજમાં જનજાગૃતિ અંગે કાર્યક્રમો યોજવા, બેટી વધાવો અંતર્ગત 1થી વધુ દીકરીઓના વાલીઓનું સન્માન કરવું. ફેમિલી પ્લાનિંગ કાર્યક્રમ યોજવા જેવી બાબતો પર ચર્ચા કરવામાં આવી હતી. જિલ્લા આરોગ્ય અધિકારી ડો. મિતેશ ભંડેરી, કમિટીના સભ્યો કાન્તાબેન સોલંકી અને પન્નાબેન જોષી, જી. કે. જનરલ હોસ્પિટલના ગાયનેકોલોજિસ્ટ ડો. પ્રફુલ્લાબેન કોટક, પીડિયાટ્રિશિયન ડો. મીત કણસાગરા ઉપસ્થિત રહ્યા હતા.