નલિયા, તા. 17 : કચ્છના દરિયાકાંઠે સુરક્ષા
વ્યવસ્થાના ભાગરૂપે મરીન ટાસ્ક ફોર્સ દ્વારા જખૌ સેક્ટરમાં ખાસ ચેકિંગ ડ્રાઇવ હાથ ધરવામાં
આવી હતી. અલગ-અલગ ટીમો બનાવી યક્ષ મંદિર, પિંગલેશ્વર, કમંડ, કડુલી અને સુથરી
સુધીના તટીય વિસ્તારોમાં બોટોની ઝીણવટભરી ચકાસણી કરવામાં આવી હતી. આ દરમિયાન માછીમારોને
દરિયામાં કોઈ પણ શંકાસ્પદ બોટ કે અજાણ્યા ઇસમોની હિલચાલ જણાય તો તુરંત સુરક્ષા એજન્સીઓને
જાણ કરવા અને સતર્ક રહેવા તાકીદ કરવામાં આવી હતી.
