ગાંધીધામ, તા. 2 : શહેરના નીલકંઠ પાર્કિંગ નજીક મીઠાના ઢગલા પાસે પાર્ક કરાયેલાં બે વાહનોની ટાંકીમાંથી નિશાચરોએ રૂા. 44,100નાં 490 લિટર ડીઝલની તસ્કરી કરી હતી. શહેરની જય રવેચી લોજિસ્ટિક ટ્રાન્સપોર્ટનું ડમ્પર નંબર જીજે-12-બીવાય-3702 વાળું નીલકંઠ પાર્કિંગ નજીક મીઠાના ઢગલા પાસે પાર્ક કરાયું હતું. આ વાહન અહીં પાર્ક કરી મોડીરાત્રે ચાલક શામજી ભીમા આહીર સૂઈ ગયો હતો, બાદમાં તસ્કરોએ આ વાહનની ટાંકીમાંથી 180 લિટર ડીઝલની ચોરી કરી હતી તેમજ બાજુમાં નીલકંઠ સોલ્ટ સપ્લાય ટ્રાન્સપોર્ટનું ટ્રેઈલર નંબર જીજે-12-એઝેડ-8814 પાર્ક કરેલું હતું. આ વાહનમાંથી પણ નિશાચરોએ 320 લિટર ડીઝલની ચોરી કરી હતી. આ બને વાહનોમાંથી રૂા. 44,100નું 490 લિટર ડીઝલ ચોરી કરવામાં આવ્યું હતું. બનાવ અંગે સંઘડના શામજી કરશન મકવાણા (આહીર)એ પોલીસ મથકે ફરિયાદ નોંધાવી હતી.
