ભુજ, તા. 23 : ટેલિગ્રામ ચેનલ મારફતે ઓનલાઈન કામ આપવાની લાલચ આપી કરાયેલી ઠગાઈની રકમ રૂા. 43,326 ભોગ બનનારને પોલીસે પરત અપાવી હતી. પોલીસે આપેલી માહિતી મુજબ, ઓનલાઈન કામ આપવાના બહાને રકમ ટુકડે-ટુકડે પડાવાઈ હતી, બદલામાં કોઈ વળતર ન આપી છેતરપીંડી કરાઈ હતી. આ ઘટનાની જાણ સાયબર સેલ (એલસીબી)ને કરાતાં ટકનિકલ રિસોર્સ અને પત્રવ્યવહાર થકી તાત્કાલિક કાર્યવાહી કરી પૂરેપૂરી રકમ અરજદારના ખાતામાં જમા કરાવાઈ હતી.
