નવી દિલ્હી, તા. 16 : અહીંના અરુણ
જેટલી મેદાન પર આઈપીએલની રાજસ્થાન રોયલ્સ અને દિલ્હી કેપિટલ વચ્ચે રમાયેલી રસાકસીવાળી
મેચ ટાઈમાં પરિણમી હતી. દિલ્હીએ આપેલા 188 રનના લક્ષ્યને રાજસ્થાનના યશશ્વી જયસવાલ (51) અને નીતીશ રાણા (51)ની મદદથી જીતની નજીક લાવ્યા બાદ દિલ્હીના બોલરોની પકડ વધતાં
આઈપીએલની શ્રેણીની પહેલી સુપર ઓવર સુધી મુકાબલો પહોંચ્યો હતો, જેમાં રાજસ્થાને 11 રનનું લક્ષ્ય આપ્યા બાદ દિલ્હી
વતી કેએલ રાહુલ (7) અને સ્ટબ્સ
(6)એ ટીમને જીત અપાવી હતી. જીતના ઈરાદે ઊતરેલા રાજસ્થાનની ટીમ વતી કેપ્ટન સંજૂ
સેમસન 19 દડામાં 2 ચોગ્ગા અને 3 છગ્ગા લગાવી 31 રને રિટાયર્ડ હર્ટ થયો હતો, જ્યારે જયસવાલે 37 દડામાં 3 ચોગ્ગા અને 4 છગ્ગા સાથે 51 રન કરી આઉટ થયો હતો, તો નીતીશ રાણાએ પણ 28 દડામાં 6 ચોગ્ગા અને 2 છગ્ગા સાથે 51 રન બનાવી ટીમને જીતની નજીક
લાવી દીધી હતી. જુરેલ (26) અને હેટમાયર
(15)એ પણ ભાગીદારી નોંધાવી હતી.
દિલ્હી વતી સ્ટાર્ક, પટેલ અને યાદવને
1-1 વિકેટ સાંપડી હતી. જો કે, અંતની નજીક પહોંચેલીમાં બોલરોની પકડ વધતાં મેચે
રોચક વળાંક લેતાં ટાઈ થઈ હતી અને આઈપીએલની પહેલી સુપર ઓવર રમાઈ હતી. સુપર ઓવરમાં રાજસ્થાનના
હેટમાયરે 7 અને રેયાન
પરાગે 4 રન કર્યા હતા અને એક વધારાના રન સાથે દિલ્હીને
કુલ 12 રનનું લક્ષ્ય આપ્યું હતું, જેની સામે દિલ્હીએ અગાઉ આઇપીએલની બુધવારની મેચમાં રાજસ્થાન રોયલ્સ
વિરુદ્ધ દિલ્હી કેપિટલ્સના 20 ઓવરના અંતે પ વિકેટે 188 રનનો પડકારરૂપ સ્કોર થયો હતો. દિલ્હીને 188 રન સુધી પહોંચાડવામાં રાજસ્થાન
રોયલ્સની કંગાળ ફિલ્ડિંગનો પણ ફાળો રહ્યો હતો. આરઆર ફિલ્ડરોએ ચાર કેચ ટપકાવ્યા હતા.
દિલ્હી તરફથી કોઈ બેટર મોટી ઇનિંગ્સ રમી શક્યો ન હતો. સૌથી વધુ 49 રન ઓપનર અભિષેક પોરેલે કર્યા
હતા, જ્યારે રાજસ્થાન તરફથી જોફ્રા આર્ચરે 2 વિકેટ લીધી હતી. રાજસ્થાનના કેપ્ટન સંજૂ
સેમસને ટોસ જીતી બોલિંગ પસંદ કરી હતી. દિલ્હી તરફથી અભિષેક પોરેલ અને જેક ફ્રેઝર વચ્ચે
પહેલી વિકેટમાં 1પ દડામાં
34 રનની ઝડપી ભાગીદારી થઇ હતી.
જેક ફેઝર (9)ની નિષ્ફળતા ચાલુ રહી હતી, જ્યારે ઘરેલુ ક્રિકેટનો કિંગ કરુણ નાયર ઝીરોમાં
રન આઉટ થયો હતો. આ પછી પોરેલ અને કેએલ રાહુલ વચ્ચે ત્રીજી વિકેટમાં પ7 દડામાં 63 રનની ઉપયોગી ભાગીદારી થઇ હતી. પોરેલ 37 દડામાં પ ચોગ્ગા-1 છગ્ગાથી 49 રને અને રાહુલ 32 દડામાં 2 ચોગ્ગા-2 છગ્ગાથી 38 રને આઉટ થયા
હતા. ડેથ ઓવર્સમાં કેપ્ટન અક્ષર પટેલે આરઆરના બોલર્સ સામે હલ્લાબોલ કરીને 14 દડામાં 4 ચોગ્ગા-2 છગ્ગાથી 34 રનની કેમિયો
ઇનિંગ્સ રમી હતી જ્યારે ટ્રિસ્ટન સ્ટબ્સ 18 દડામાં 2 ચોગ્ગા-2 છગ્ગાથી 34 રને અને આશુતોષ શર્મા 1પ રને નોટઆઉટ રહ્યા હતા. આથી દિલ્હીના પ
વિકેટે 188 રન થયા હતા.
