ભુજ, તા. 4 : મૂળ બિહારનો હાલે મુંદરાની
ધ્રબ સીમમાં રહેતા 35 વર્ષીય રાજનેશ
કુમાર બિહારી મહંતો અને માંડવીના ગુંદિયાળીમાં બાવન વર્ષીય આધેડ જગદીશ નારુભા જાડેજાએ
ગળેફાંસો ખાઇ જીવ દીધા હતા. મૂળ બિહાર હાલે સિકંદર કોલોની રૂમ નં. 31માં વિલ્માર રીફાઇનરી સામે ધ્રબ સીમમાં
રહેતા રાજનેશકુમારે ગઇકાલે રાત દરમ્યાન કોઇ અગમ્ય કારણે પોતાના ઘરની પાછળ આવેલા લીમડાના ઝાડની ડાળીમાં દોરડા વડે ગળેફાંસો ખાઇ આપઘાત
કરી લીધાની વિગતો ગઇકાલે મૃતકના પત્ની સપનાકુમારીએ મુંદરા પોલીસ મથકે જાહેર કરતા પોલીસે
અકસ્માત મોતનો ગુનો દાખલ કરી તજવીજ હાથ ધરી છે. બીજી તરફ માંડવી તાલુકાના ગુંદિયાળીમાં
રહેતા જગદીશસિં જાડેજાએ ગઇકાલે સાંજે પોતાના ઘરે લાકડાની આડીમાં નાઇલોનની દોરથી ગળેફાંસો
ખાઇ લીધો હતો. આથી તેઓને સારવાર અર્થે માંડવીની સરકારી હોસ્પિટલમાં ખસેડાતા ફરજ પરના
તબીબે મૃત ઘોષીત કર્યા હતા. માંડવી મરીન પોલીસે અકસ્માત મોતનો ગુનો નોંધી કાર્યવાહી
આદરી હતી.
