જે જગ્યાએ ગાયોની સેવા થતી હોય ત્યાં જ શ્રીકૃષ્ણ અવતાર લે છે

ગાંધીધામ, તા : 14 અહીંના ભારતનગર ખાતે ગૌશાળાના લાભાર્થે સતવારા યુવા સેવા ગ્રુપ અને કૈલાસ મહિલા મંડળ દ્વારા શ્રીમદ ભાગવત સપ્તાહના ચતુર્થ દિવસે ભાગવતાચાર્ય શાત્રીજીએ ગાયોનો મહિમા જણાવ્યો હતો. જે જગ્યાએ ગાયોની સેવા થતી હોય ત્યાંજ શ્રીકૃષ્ણ અવતાર લે છે તેવું જણાવી નંદબાબાનું ઉદાહરણ આપ્યું હતું વામન ભગવાનનો જન્મોત્સવ, શ્રીરામ જન્મોત્સવ ઉપરાંત ચતુર્થ દિવસે શ્રીકૃષ્ણ જન્મોત્સવની ઉજવણી કરાઇ હતી. આ પ્રસંગે નરેન્દ્ર મહારાજ, ગુજરાત પ્રદેશ ભાજપના મહામંત્રી અને કચ્છ - મોરબીના સાંસદ વિનોદભાઇ ચાવડા, જિ.ભાજપ પ્રમુખ દેવજીભાઇ વરચંદ, ગાંધીધામ ભા. પ્ર પંકજભાઈ ઠક્કર, નગરપાલિકા કાઉન્સિલર પુનીતભાઇ દુધરેજિયા, અરવિંદભાઇ બુચિયા, દિપેનભાઇ જોડ, સુરેશભાઇ ધુવા, પ્રકાશ સતવારા, નિરજ સતવારા, શુભમ, નિખિલ, આદિત્ય, વરૂણ, વંશ, ભાવિક, હાર્દિક વિ. ઉપસ્થિત રહ્યા હતા. આ પ્રસંગે સતવારા યુવા સેવા ગ્રુપના કાર્યોને બિરદાવી આવા કાર્યો કરતા રહે તેવી શુભકામના આપી હતી તેવું વિજય શૈલેષભાઈ સતવારાએ યાદીમાં જણાવ્યું હતું