ગાંધીધામ, તા. 14 : અહીંના
ગણેશનગર ખાતે કંડલા કોમ્પ્લેક્સ મહેશપંથી મહેશ્વરી મેઘવાળ સમાજ દ્વારા કારુંભાધામના
નવા વરાયેલા હોદ્દેદારોનું સન્માન કરાયું હતું.
મુંદરા તાલુકાના ધારાસભ્ય સ્વ. વીરજીભાઇ દાફડાએ ધામ પર કરેલી કામગીરીને યાદ
કરીને તેમને શ્રદ્ધાંજલિ અપાઈ હતી. ભાવનગર જિલ્લાના પાલીતાણા કદમગિરિ મધ્યે આવેલા સમાજના
મુખ્ય ધર્મ સ્થળ કારુંભાધામ પર ટ્રસ્ટના પ્રમુખ કાનજી માતંગ દાદાના પ્રમુખ સ્થાને સામાન્યસભા
યોજાઇ હતી, જેમાં નવી કારોબારીની રચના કરાઇ હતી. યાત્રાધામ ટ્રસ્ટના પ્રમુખ તરીકે રાજેશ
ભરાડિયા અને મેનેજિંગ ટ્રસ્ટી પદે કિશોર દાફડાની વરણી કરાઈ હતી. આ પ્રસંગે કંડલા કોમ્પ્લેક્સ
મહેશ્વરી મેઘવાળ સમાજના પ્રમુખ જીવરાજ ભાંભી, મહામંત્રી પ્રહલાદ ઠોટિયા, શિવજી વિગોરા,
ગાવિંદ થારુ, અર્જુન આયડી, અશોક ઘેલા, માયા થારૂ વગેરે આગેવાનો હાજર રહી નવા વરાયેલા
હોદ્દેદારોનું બહુમાન કરાયું હતું તેમજ કારુંભાધામના વિકાસમાં સહભાગી થનાર જગદીશ દાફડાનું
પણ સન્માન કરાયું હતું, એવું સમાજની એક યાદીમાં જણાવાયું હતું.
