મંજલમાં ધાણીપાસા વડે જુગાર રમતા પાંચ પકડાયા

ભુજ, તા.14 : નખત્રાણા તાલુકાના મંજલમાં આજે સાંજે ધાણીપાસા વડે જુગાર રમતા પાંચ ખેલી ઝડપાયા હતા. આજે સાંજે નખત્રાણા પોલીસ પેટ્રોલીંગમાં હતી ત્યારે બાતમી મળી હતી કે, મંજલના વાણિયાવાસના ચોકમાં ખુલ્લામાં જુગાર રમાઈ રહ્યો છે. આથી પોલીસે દરોડો પાડી ધાણીપાસા વડે જુગાર રમતા બ્રિજરાજસિંહ અનુભા જાડેજા, ધીરજ રામસંગભાઈ બાયડ, નવુભા દેવુભા જાડેજા, આધમ હુસેન કુંભાર, વસંતભાઈ લીલાધરભાઈ ભાવસાર (રહે. તમામ મંજલ)ને રોકડા રૂ.11,100ના મુદ્દામાલ સાથે નખત્રાણા પોલીસે ઝડપી કાયદેસરની કાર્યવાહી કરી હતી.