નવી દિલ્હી, તા. 26 : હોંગકોંગમાં
તાઇપો જિલ્લામાં રહેણાક વિસ્તારની એકસાથે આઠ ઇમારતમાં લાગેલી ભયાનક આગથી ભારે અફરાતફરી મચી ગઇ હતી. આગની
જ્વાળાઓની લપેટમાં આવતાં 36 લોકોનાં મોત
થઇ ગયાં હતાં. પારાવાર તબાહી મચાવનાર આ લોહિયાળ દુર્ઘટનામાં 300થી વધુ લોકો લાપતા બની ગયા
હતા. અગ્નિશામક દળના સાતસોથી વધુ વાહન મોટા વિસ્તારમાં ફેલાયેલી આગને કાબૂમાં લેવાની કવાયતમાં કામે લાગી
ગયાં હતાં. બુધવારની બપોરે લાગેલી આગ થોડીવારમાં જ 31 માળના ટાવરોમાં ફેલાઇ ગઇ હતી. સ્થિતિની ગંભીરતાને જોતાં પ્રશાસન
વતી અગ્નિશમન તંત્ર તરફથી લેવલ-5 ફાયર એલાર્મ
ઘોષિત કરાયું હતું જે હોંગકોંગમાં આગની સૌથી ગંભીર શ્રેણી છે.
