ગાંધીધામ, તા. 27 : અબડાસા તાલુકાના વાયોરમાં આધેડ
ભરોસીલાલ સિંધુલાલે ગળાફાંસો ખાઈ જીવાદોરી ટૂંકાવી લીધી છે. પોલીસ સૂત્રો પાસેથી મળતી વિગતો મુજબ અકસ્માત
મોતનો આ બનાવ વિકાસપુરમ કોલોનીમાં ગત સાંજના પાંચ વાગ્યાના અરસામાં બન્યો હતો. અલ્ટ્રાટેક કંપનીમાં સુરક્ષાકર્મી તરીકે
નોકરી કરતા હતભાગી આધેડ નાઈટ ડયૂટી પૂરી કરીને ઘરે હતા. આ દરમ્યાન તેમણે અકળ કારણોસર
જીવાદોરી ટૂંકાવી લીધી હતી. પોલીસે અકસ્માત મોતનો ગુનો નોંધી તપાસ હાથ ધરી છે.
