ગાંધીધામ, તા. 19 : ભચાઉ તાલુકાના એક ગામની સીમમાંથી બે શખ્સે એક બાળકીનું અપહરણ કરી બાદમાં એક શખ્સે તેના ઉપર બળાત્કાર ગુજાર્યો હતો. વાગડના ભચાઉ તાલુકાના એક ગામની સીમમાં ગત તા. 17/4ના આ બનાવ બન્યો હતો. સીમમાં રહેતી એક બાળકી પાસે કમલેશ દયાલ કોળી અને અન્ય એક અજાણ્યો શખ્સ આવ્યા હતા અને આ શખ્સોએ બાળકીને લલચાવી - ફોસલાવીને બાઇક પર બેસાડી તેનું અપહરણ કરી ગયા હતા. બાદમાં કમલેશ કોળીએ લગ્નની લાલચ આપી ભોગ બનનાર બાળકી ઉપર બળાત્કાર ગુજાર્યો હતો. લાકડિયા પોલીસે આ બનાવ અંગે આરોપીઓ વિરુદ્ધ પોક્સો સહિતની જુદી-જુદી કલમો તળે ગુનો નોંધી તેમને પકડી પાડવા આગળની તપાસ પી.આઈ. આર. આર. વસાવાએ હાથ ધરી છે.
