વિશાખાપટ્ટનમ, તા. 6 : ભારત
અને દક્ષિણ આફ્રિકા વચ્ચે વાઈઝેગ (વિશાખાપટ્ટનમ) વન-ડેમાં ટીમ ઈન્ડિયા 20 વન-ડે
મુકાબલા બાદ ટોસ જીતી જતાં કેપ્ટન કે.એલ. રાહુલ ખુશ થયો હતો. ટોસ જીતતાં જ રાહુલે
પહેલાં બોલિંગ કરવાનો નિર્ણય લીધો હતો. 2023માં પુરુષોની વન-ડે વિશ્વકપ
સેમિફાઈનલ બાદ પહેલી વખત ભારતે કોઈ વન-ડેમાં ટોસ જીત્યો છે. ટોસ સમયે કે.એલ.
રાહુલના હાથમાં સિક્કો હતો. તેમ્બા બાવુમાએ હેડ કહ્યો, પણ આવ્યો ટેલ. ભારતે 20 કોશિશ
બાદ અંતે ટોસ જીતી લીધો હતો. આ દરમિયાન મેદાનમાં રહેલા ચાહકોની પણ ખુશી સ્પષ્ટ
જોવા મળી રહી હતી. ખાસ વાત એ રહી હતી કે,
કે.એલ. રાહુલે ટોસ સમયે એક કીમિયો કર્યો હતો અને ડાબા હાથે ટોસ
ઉછાળ્યો હતો.
