ભુજ, તા. 25
: 36 ગુજરાત બટાલિયન એન.સી.સી. ભુજ દ્વારા 76મા એન.સી.સી. દિવસની વિવિધ કાર્યક્રમો
સાથે ઉજવણી કરાઇ હતી. એન.સી.સી. દિવસની ઉજવણી પ્રસંગે મિલિટરી સ્ટેશનના વોર મેમોરિયલ
પર ગાર્ડ ઓફ ઓનર સાથે વીર શહીદોને યાદ કરી શ્રદ્ધાંજલિ અર્પણ કરાઇ હતી. આયોજિત હાલ્ફ
મેરેથોનમાં 150 એન.સી.સી. સભ્યોએ ભાગ લીધો હતો. મેરેથોન દોડમાં વિવિધ શાળાઓ, કોલેજના
વિદ્યાર્થીઓ પણ ઉત્સાહથી જોડાયા હતા. બી.એસ.એફ.ના જવાનોને મીઠાઇનું વિતરણ કરાયું હતું.
આ સાથે રક્તદાનનો કાર્યક્રમ પણ યોજાયો હતો. કચ્છ જિલ્લા ગ્રામ વિકાસ સમિતિ દ્વારા આકર્ષક
ઇનામો અપાયા હતા. કાર્યક્રમને સફળ બનાવવા એ.એન.ઓ., સી.ટી.ઓ. વિગેરેએ ઉત્સાહભેર ભાગ
લઇ સહયોગ આપ્યો હતો.
