વિથોણ પાસે ગેરકાયદે રેતી-ખનિજ ભરેલી ટ્રક ઝડપાઇ

ભુજ, તા. 25 : નખત્રાણા તાલુકાના વિથોણ તરફથી ગેરકાયદે રેતી (ખનિજ) ભરીને આવતી ટ્રકને એલસીબીએ ઝડપી પાડી હતી. એલસીબીની ટીમ નખત્રાણા તાલુકા વિસ્તારમાં વાહન ચેકિંગમાં હતી ત્યારે વિથોણ તરફથી આવતી ટાટા એસ. ટ્રક નં. જી.જે.-18-એયુ.-7727વાળીને ઊભી રખાવી તપાસ કરતાં તેમાં રેતી (ખનિજ) ભરેલી હતી. ચાલક ભૂરુભા પ્રાગજી જાડેજા (રહે. ચાવડકા તા. નખત્રાણા)પાસે રોયલ્ટી પાસ પરમિટ માગતાં, જે ન હોઇ ખાણ-ખનિજની ધારા કલમ-34 મુજબ વાહન ડિટેઇન કરી નખત્રાણા પોલીસને આગળની કાર્યવાહી અર્થે સોંપાયું છે.