પ.બંગાળથી સગીરાનું અપહરણ કરી મુંદરા લઈ આવનારા આરોપીને પોલીસે ઝડપ્યો

ભુજ, તા. 24 : પશ્ચિમ બંગાળથી એક સગીરાનું અપહરણ કરી આરોપી તેને મુંદરા લઈ આવતા પ.બંગાળની પોલીસે તેને શોધવા મુંદરા પોલીસની મદદ માગતા સ્થાનિક પોલીસે આરોપી તથા ભોગ બનનારને શોધી આપ્યા હતા. આ અંગે મુંદરા પોલીસે જાહેર કરેલી વિગતો મુજબ આજે પ.બંગાળનાં પુંચા પોલીસ મથકના અધિકારી તથા કર્મચારીઓ પ.બંગાળથી અપહરણ થયેલી કિશોરી અને આરોપીને શોધવા મદદ માટે મુંદરા પોલીસને લેખિત યાદી આપતા પીઆઈ આર. જે. ઠુમ્મરની સૂચના અને માર્ગદર્શન મુજબ સ્થાનિક પોલીસના કર્મચારીઓએ નાના કપાયા ગામથી આ કામના આરોપી સફીકઅલી શરીફઅલી (રહે. પ.બંગાળ, હાલે નાના કપાયા)ને તથા ભોગ બનનારને શોધી પશ્ચિમ બંગાળ પોલીસને સોંપયા હતા. પીઆઈ શ્રી ઠુમ્મરની સૂચનાથી એ.એસ.આઈ. જયેન્દ્રસિંહ ઝાલા તથા હે.કો. કાનાભાઈ રબારી આ કામગીરીમાં જોડાયા હતા.