જિલ્લાકક્ષાની બોક્સિંગ સ્પર્ધામાં પાટીદાર કન્યાશાળાની છાત્રાઓનો સુંદર દેખાવ

ભુજ, તા. 1 : મુસ્લિમ એજ્યુકેશન સ્કૂલ ખાતે જિલ્લાકક્ષાની બોક્સિંગ (બહેનો)ની સ્પર્ધાનું આયોજન કરાયું હતું, જેમાં પાટીદાર કન્યા વિદ્યાલય-ભુજની ધોરણ 9ની વિદ્યાર્થિની હેન્સી અજયભાઈ પટેલ (57-60 કિ.ગ્રા.)એ અન્ડર-17માં પ્રથમ ક્રમાંક તેમજ અન્ડર-19માં ધોરણ 11ની વિદ્યાર્થિની રિયા નરશીભાઈ પોકાર (70-74) અને ધોરણ 12ની વિદ્યાર્થિની અક્ષી ભાવેશભાઈ રામાણી (60-64 કિ.ગ્રા.)એ પ્રથમ ક્રમાંક મેળવ્યો હતો. માર્ગદર્શન અંકિતાબેન છાભૈયાએ આપ્યું હતું. શાળાના કન્વીનર અમૃતભાઈ પટેલ, સહકન્વીનર બાબુભાઈ રૂડાણી, શિક્ષણ સમિતિના સભ્યો, આચાર્યા યોગિતાબેન હાથી તથા સમગ્ર શાળા પરિવારે અભિનંદન પાઠવ્યાં હતાં.