ભુજ, તા. 11 : છેલ્લા ચારેક માસ પશ્ચિમ
કચ્છના પોલીસ અધિક્ષકની ખાલી પડેલી જગ્યા પર અન્ય કોઇને નિમણૂક ન અપાય ત્યાં સુધી વિકાસ
સુંડાને હવાલો સોંપાતાં ગઇકાલે તેમણે કારભાર સંભાળી લીધો હતો. મૂળ રાજસ્થાન બિકાનેર
બાજુના યુવા અધિકારી વિકાસ સુંડા 2018ની બેચના આઇ.પી.એસ. છે. ભરૂચમાં એ.એસ.પી. તરીકે
ફરજ બજાવ્યા બાદ બઢતી સાથે ગાંધીનગરના કોસ્ટલ સિક્યુરિટીના એસ.પી. તરીકે નિમણૂક અપાઇ
હતી અને જુલાઇ 24ના થયેલી બદલીમાં તેમને નિમણૂકની પ્રતીક્ષા હેઠળ રખાયા હતા અને તા.
7/10ના અન્ય કોઇ હુકમ ન થાય ત્યાં સુધી પશ્ચિમ કચ્છ જિલ્લા પોલીસ અધિક્ષકનો હવાલો સોંપાયાનો
હુકમ થતાં ગઇકાલે તેમણે પોતાનો કાર્યભાર સંભાળી લીધો હતો. પોલીસ અધિકારીઓ અને યુવા
અગ્રણીઓની શુભેચ્છા મુલાકાતથી એસ.પી. કચેરી ધમધમી હતી.
