ગાંધીધામ, તા. 21 : અંજાર તાલુકાનાં બુઢારમોરાના આધેડ સાથે અજાણ્યા શખ્સે રૂા. 5,41,5356ની ઓનલાઈન છેતરપિંડી કરી હોવાનો
બનાવ પ્રકાશમાં આવ્યો હતો. વિશલપુર વિસ્તારમાં રહેતા કાંતિભાઈ રામજીભાઈ સથવારાએ આરોપી મહેન્દ્ર શર્મા (રહે. ઉતરપ્રદેશ) વિરુદ્ધ ગુનો નોંધાવ્યો
હતો. છેતરપિંડીનો આ બનાવ ગત તા. 26/10/2025થી
તા. 1/11/2025ના અરસામાં બન્યો હતો. પોલીસ
સૂત્રોએ વિગતો આપતાં જણાવ્યું હતું કે, મહેન્દ્ર શર્મા નામના આરોપીએ ફરિયાદીને
ફોન કરીને કહ્યંy હતું કે, તમારાં ખાતાંમાં ભૂલથી એક લાખ રૂપિયા આવી ગયા
છે, મારી પત્નીનો અકસ્માત થયો છે, હોસ્પિટલમાં
ગંભીર હાલતમાં છે. જલ્દીથી મારા નાણાં પરત આપવા કહ્યં હતું. ત્યારબાદ ફરિયાદીને
વિશ્વાસમાં લઈને આરોપીએ પોતાનાં બેંક
ખાતાંમાં રૂા. 95678 તથા અન્ય ખાતાંમાં ગૂગલ
પેથી જુદા-જુદા વ્યવહારથી રૂા. 4,45,857 સાથે કુલ રૂા. 5,41,535 ઓનલાઈન ટ્રાન્સફર કરાવી
ઓનલાઈન છેતરપિંડી કરી હતી. આરોપીએ ઓનલાઈન છેતરપિંડીનાં કૃત્યને અંજામ આપવા માટે પહેલાં ફરિયાદીને રૂા.
એક લાખ જમા થયા હોવાનો સંદેશ મોકલ્યો હતો. ત્યારબાદ આરોપીએ છેતરપિંડીનો કારસો રચ્યો
હતો. વધતા જતા ઓનલાઈન છેતરપિંડીના બનાવને લઈને
પોલીસે નાગરિકોને જાગૃત બનવા અપીલ કરી હતી.
