કિડાણાના શખ્સને કચ્છ તથા અન્ય જિલ્લામાંથી હદપાર કરાયો

ગાંધીધામ, તા. 8 : તાલુકાના કિડાણા ભૂકંપનગર સોસાયટીમાં રહેનારા શખ્સને કચ્છ તથા તેને અડીને આવેલા જિલ્લાઓમાંથી હદપાર કરવામાં આવ્યો હતો. કિડાણામાં રહેનાર સમીર ઉર્ફે હનિસિંહ નૂરમામદ મથડા નામના શખ્સ વિરુદ્ધ ગાંધીધામ બી-ડિવિઝન પોલીસ મથકે ચોરી, મારામારીના ત્રણ તથા આદિપુર પોલીસ મથકે લૂંટ સહિતની કલમો તળે ગુના નોંધાયેલા છે. મિલકત, શરીર સંબંધી ગુના આચરતા આ શખ્સ વિરુદ્ધ હદપારની દરખાસ્ત તૈયાર કરી અંજાર સબ ડિવિઝન મેજિસ્ટ્રેટને મોકલવામાં આવી હતી.  ત્યાંથી  દરખાસ્ત મંજૂર થતાં આ શખ્સને પકડી પાડી તેને કચ્છ તથા કચ્છને અડીને આવેલા જિલ્લાઓમાંથી હદપાર કરવામાં આવ્યો હતો.