નવી દિલ્હી, તા. 20 : આઇસીસીએ વર્લ્ડ કપ-2023ની ટીમ ઓફ ધ ટૂર્નામેન્ટ જાહેર કરી છે. આ ટીમની કપ્તાની રોહિત શર્માને મળી છે. જેના નેતૃત્વમાં ભારતીય ટીમે સતત 10 જીત મેળવી હતી. આઇસીસી ટીમમાં વિરાટ કોહલી સહિત કુલ 6 ભારતીય ખેલાડી સામેલ છે. જયારે વિશ્વ વિજેતા ટીમ ઓસ્ટ્રેલિયાની ટીમના કેપ્ટન પેટ કમિન્ .:સ અને ફાઇનલમાં સદી કરનાર ટ્રેવિસ હેડને ટીમ ઓફ ધ ટૂર્નામેન્ટમાં સ્થાન મળ્યું નથી. ટીમ ઓફ ધ ટૂર્નામેન્ટમાં ભારતના સૌથી વધુ 6 ખેલાડી સામેલ છે. જયારે ઓસ્ટ્રેલિયાના બે ખેલાડીને સ્થાન મળ્યા છે. આ ઉપરાંત શ્રીલંકા, ન્યુઝીલેન્ડ અને દ. આફ્રિકાના 1-1 ખેલાડી છે. ભારતના જે 6 ખેલાડી સામેલ છે તેમાં રોહિત શર્મા, વિરાટ કોહલી, કેએલ રાહુલ, રવીન્દ્ર જાડેજા, જસપ્રિત બુમરાહ અને મોહમ્મદ શમી છે. ટીમ ઓફ ધ ટૂર્નામેન્ટ: રોહિત શર્મા (કેપ્ટન), કિવંટન ડિ'કોક, વિરાટ કોહલી, ડેરિલ મિચેલ, કેએલ રાહુલ, ગ્લેન મેકસવેલ, રવીન્દ્ર જાડેજા, જસપ્રિત બુમરાહ, મોહમ્મદ શમી, દિલશાન મદુશંકા, એડમ ઝમ્પા અને જેરાલ્ડ કોર્ત્ઝે 12મો ખેલાડી.
