માઉન્ટ મોન્ગાનુઇ,
તા. 30 : શ્રીલંકા સામેની બીજી ટી-20 ઇન્ટરનેશનલ મેચમાં 4પ રને જીત મેળવી ન્યુઝીલેન્ડે
3 મેચની શ્રેણી 2-0ની અપરાજિત સરસાઇથી કબજે કરી છે. ન્યુઝીલેન્ડના 20 ઓવરમાં પ વિકેટે
186 રનના જવાબમાં શ્રીલંકા ટીમ 19.1 ઓવરમાં 141 રને ઓલઆઉટ થઇ હતી. ન્યુઝીલેન્ડ તરફથી
ટિમ રોબિન્સને 41, માર્ક ચેપમેને 42, ગ્લેન ફિલિપે 23 અને પ્લેયર ઓફ ધ મેચ બનેલ મિચેલ
હે નામક નવોદિત બેટરે 19 દડામાં 3 ચોકકા-2 છકકાથી 41 રનની ઝડપી ઇનિંગ રમી હતી. હસારંગાને
2 વિકેટ મળી હતી. શ્રીલંકા તરફથી પથૂમ નિસંકાએ 37 અને કુસલ મેન્ડિસે 48 રન કર્યાં હતા.
જેકબ ડફીએ 4 વિકેટ લીધી હતી. હેનરી અને સેંટનરે 2-2 વિકેટ મળી હતી.
