પલ્લેકલે, તા.18
: વરસાદ પ્રભાવિત ન્યુઝીલેન્ડ વિરુદ્ધ 47-47 ઓવરની બીજી વન ડે મેચમાં 3 વિકેટે જીત
મેળવીને 3 મેચની શ્રેણી શ્રીલંકાએ 2-0ની અતૂટ સરસાઇથી કબજે કરી છે. પ્રથમ દાવ લેનાર
ન્યુઝીલેન્ડ ટીમ 4પ.1 ઓવરમાં 209 રને ઓલઆઉટ થઈ હતી. શ્રીલંકાએ 6 દડા બાકી રાખીને
46 ઓવરમાં 7 વિકેટે 210 રન કરીને 3 વિકેટે વિજય હાંસલ કર્યો હતો. શ્રીલંકા તરફથી પ્લેયર
ઓફ ધ મેચ કુસલ મેન્ડિસે 102 દડામાં 6 ચોગ્ગા સાથે 74 રનની અણનમ ઇનિંગ રમી હતી. ઓપનર
પથૂમ નિસંકાએ 28 અને પૂંછડિયા ખેલાડી મહિશ તિક્ષ્ણાએ અણનમ 27 રન કર્યાં હતા. ન્યુઝીલેન્ડ
તરફથી મિચેલ બ્રેસવેલે 4 વિકેટ લીધી હતી. આ પહેલાં ન્યુઝીલેન્ડ તરફથી માર્ક ચેપમેને
81 દડામાં 7 ચોગ્ગા-3 છગ્ગાથી 76 અને નવોદિત વિકેટકીપર મિચેલ હેએ 49 રન કર્યા હતા.
શ્રીલંકા તરફથી મહિશ તિક્ષ્ણા અને જેફરી વેન્ડરસે 3-3 વિકેટ લીધી હતી.
