કેરા (તા. ભુજ),
તા. 16 : કચ્છના શાળાકીય સ્પર્ધાઓના બદલાતા સિનારિયોની સાક્ષીએ હેન્ડબોલમાં આ સરહદી
જિલ્લાના બે છાત્ર ગુજરાતની ટીમમાં પસંદગી પામ્યા છે. ભુજની માતા રતનબેન દેવજી વરસાણી
કુમાર વિદ્યાલયના છાત્રો આશાણી કેયૂર હરજી (ભારાપર-માંડવી), વેકરિયા જિનેશ નારાણ (કોડાય-માંડવી)ની
પસંદગી ગુજરાતની શાળાકીય હેન્ડબોલ ટીમમાં થતાં જિલ્લાનું ગૌરવ વધ્યું હતું. હેન્ડબોલના
ત્રણેય વયજૂથની જિલ્લાકક્ષાની હરીફાઇમાં મેદાન મારનાર આ વિદ્યાલયે વિવિધ હરીફાઇઓમાં કૌવત જાળવી
રાખ્યું છે. તે સબબ રાજ્ય અને રાષ્ટ્રસ્તરે પસંદગીઓ થતી રહે છે. સફળતા બદલ ટ્રસ્ટ અધ્યક્ષ
ગોપાલભાઇ ગોરસિયા, કેળવણીકાર કેશરાભાઇ પિંડોરિયા, દાતા શ્રેષ્ઠી ધનજીભાઇ વરસાણી
`દરબાર',
સંચાલક વસંત પટેલ, આચાર્ય કોમલબેન ઠક્કર, કોચ જેતાભાઇ રબારીએ સફળ છાત્રોને અભિનંદન
આપ્યા હતા.
