ગાંધીધામ, તા. 26: શહેરના સપનાનગર વિસ્તારમાં
એક મકાનમાંથી પોલીસે રૂા. 1,96,549નાં
અંગ્રેજી શરાબ સાથે એક શખ્સને પકડી પાડયો હતો. શહેરના સપનાનગર એન.યુ. - 4, મકાન નંબર ઈ-53માં ભાડેથી રહેનાર જીતેન્દ્ર પરશોતમ ભાટીયાની
પોલીસે ધરપકડ કરી હતી. આ શખ્સના કબજાના આ મકાનની તલાશી લેવા માટે આવી હતી જેમાં બ્લેન્ડર્સ
પ્રાઈડ, રોયલ ચેલેન્જ, એન્ટીક્યૂટી,
સિગ્નેચર, મેજીક મોમેન્ટ, સ્મર્નઓફની કુલ નાનીમોટી બોટલો 312 કિંમત રૂા. 1,96,549નો દારૂ જપ્ત કરાયો હતો. આ દારૂ તેણે રાજસ્થાનના યોગેશ નામના
શખ્સ પાસેથી મંગાવ્યો હતો અને ગઈકાલે કારમાં શખ્સ તેને આ દારૂ આપી ગયાનું બહાર આવ્યું
હતું. બનાવની અગાળની તપાસ પોલીસે હાથ ધરી છે.
