માંડવી, તા. 15 : વ્યસનમુક્તિ અભિયાનના પ્રણેતા
નરેશમુનિ `આનંદ'
મ.સા.ના 69મા જન્મદિન
પ્રસંગે તેમના શિષ્ય ઓજસમુનિ `મંગલ' મ.સા.ની પ્રેરણાથી તા. 4/10 રવિવારના માંડવી તાલુકાના દરશડી
અને મમાયમોરા ગામના ક્રિકેટ રમતવીરો માટે દરશડી ગામે સુપરસિક્સ ક્રિકેટ ટૂર્નામેન્ટનું
આયોજન કરવામાં આવ્યું હતું. નરેશમુનિ મ.સા. અને ઓજસમુનિ મ.સા.એ ટોસ ઉછાળીને આ ટૂર્નામેન્ટનો
પ્રારંભ કરાવ્યો હતો. સ્પર્ધામાં જય માતાજી
ઇલેવન, ઉમા ઇલેવન, મહાદેવ ઇલેવન,
લાયન ઇલેવન, યમુના ઇલેવન તથા ફ્રેન્ડસ ઇલેવન સહિત
કુલ છ ટીમના 48 રમતવીરે ભાગ
લીધો હતો. આ હરીફાઇમાં ફ્રેન્ડસ ઇલેવનની ટીમ વિજેતા બની હતી, જ્યારે જય માતાજી ઇલેવનની ટીમ રનર્સ-અપ રહી
હતી. મેન ઓફ ધ સિરીઝ ધર્મેન્દ્રસિંહ જાડેજા,
બેસ્ટ બેટસમેન હરેશભાઇ મહેશ્વરી અને બેસ્ટ બોલર વીરભદ્રસિંહ સોઢા બન્યા
હતા, તેવું વ્યસનમુક્તિ અભિયાનના પ્રમુખ ડો. દિનેશ જોશી,
ઉપપ્રમુખ જયેશ શાહ અને મંત્રી / ખજાનચી દિનેશ શાહે જણાવ્યું હતું. આ
ક્રિકેટ સ્પર્ધા માતા સુંદરબેન રતનશી દેવશી ગાલા પરિવાર (હસ્તે પ્રફુલ્લાબેન રમણીકભાઇ
ગાલા પરિવાર-નાના ભાડિયા)ના સૌજન્યથી યોજવામાં આવી હતી, જ્યારે
રમતવીરોને દાતા રસીલાબેન શાંતિલાલ ચનાભાઇ ગાલા પરિવાર (ભોજાય) તરફથી ઇનામો આપીને પ્રોત્સાહિત
કરાયા હતા.
