સુરત, તા. 6 : તાપ્તિ વેલી ઇન્ટરનેશનલ સ્કૂલ
ખાતે યોજાયેલી `તાપ્તિ વેલી પાંચમી ગુજરાત સ્ટેટ રેન્કિગ
ટેબલ ટેનિસ ટૂર્નામેન્ટ'ની મેન્સની
ફાઇનલમાં રાજકોટના જયનીલ મહેતાએ મોખરાનો ક્રમાંક ધરાવતા અમદાવાદના અભિલાષ રાવલને 4-1થી હરાવીને તેના વિજયી રથને
અટકાવી દીધો હતો. ગુજરાત સ્ટેટ ટેબલ ટેનિસ
એસોસિયેશનના નેજા હેઠળ ટેબલ ટેનિસ એસોસિયેશન ઓફ સુરત ડિસ્ટ્રીક્ટના ઉપક્રમે યોજાયેલી
આ ટૂર્નામેન્ટમાં 650 ખેલાડીએ વિવિધ
કેટેગરીમાં ભાગ લીધો હતો, જેમાં વિજેતાઓમાં
2.90 લાખ રૂપિયાની ઇનામી રકમ તથા
ગિફ્ટનું વિતરણ કરવામાં આવ્યું હતું. અંડર-19 બોયઝની ફાઇનલમાં અરવલ્લીના ટોચના ખેલાડી જન્મેજય પટેલે સાત ગેમની રોમાંચક મેચમાં અમદાવાદના ત્રીજા ક્રમના અભિલાક્ષ
પટેલને 4-3થી હરાવ્યા હતા.
