દિલ્હીના બોલર્સ અને લખનઉના બેટર્સ વચ્ચે રોમાંચક ટક્કરની સંભાવના

લખનઉ, તા. 31 : આઇપીએલાં બુધવારે રમાનારી મેચમાં લખનઉ સુપર જાયન્ટસ અને દિલ્હી કેપિટલ્સ આમને-સામને હશે. આ મેચમાં ફરી એકવાર જૂની ટીમ સામે સ્ટાર ખેલાડી રમતા જોવા મળશે. રિષભ પંત લખનઉ ટીમનો કપ્તાન છે. જે આ મેચમાં તેની જૂની ટીમ દિલ્હીનો સામનો કરશે. બીજી તરફ કેએલ રાહુલ અગાઉ લખનઉનો કપ્તાન હતો. તે હવે દિલ્હી તરફથી રમતો જોવા મળશે અને લખનઉને હાર આપવા કોશિશ કરશે. આ મેચમાં એલએસજીના પાવર હિટર્સ પર અંકુશ મુકવાનો ડીસીના બોલર્સ સામે પડકાર રહેશે. દિલ્હી કેપિટલ્સનો કેપ્ટન અક્ષર પટેલ છે. જે ટી-20 વર્લ્ડ કપમાં શાનદાર દેખાવ કરી ચૂક્યો છે. તેના ઓલરાઉન્ડ દેખાવથી દિલ્હીની ટીમ મજબૂત બની છે. જયારે ટી-20 વિશ્વ કપમાં બેંચ પર બેસી રહેનાર કુલદીપ યાદવ હવે તરોતજા બનીને આઇપીએલમાં તેની ચમક છોડવા તૈયાર છે. લખનઉ માટે ફરી એકવાર મિચેલ માર્શ અને એડન માર્કરમની જોડી મહત્ત્વની રહેશે.