નવી દિલ્હી, તા. 21 : `સર' પ્રક્રિયા હેઠળ ભાજપ નેતાઓને ચૂંટણીપંચ તરફથી
નોટિસ બાદ કોંગ્રેસ અધ્યક્ષ મલ્લિકાર્જુન ખડગેએ `મોદીરાજ'
પર પ્રહાર કર્યા હતા. ખડગેએ કહ્યું હતું કે, `સર' માત્ર મતચોરી કે લોકતંત્રને ખતમ કરવાનો ઓજાર નથી, પરંતુ
એક રાક્ષસ બની ગયું છે, જેણે હવે તેના જ લોકોને ફસાવી દીધા છે. હકીકતમાં દિલ્હીમાં `સર' હેઠળ ભાજપના વરિષ્ઠ નેતા લાલકૃષ્ણ અડવાણી, વિદેશમંત્રી
જયશંકરને પણ નોટિસ અપાઈ હતી. ચૂંટણી અધિકારીઓના જણાવ્યાનુસાર 33.13 લાખ મતદારોને ફોર્મમાં અપાયેલી
જાણકારીમાં ગરબડનાં કારણે નોટિસ અપાઈ છે. ખડગેએ સત્તારૂઢ ભાજપના જ નેતાઓને કહ્યું હતું
કે, `સર' હવે તેના નિર્માતા લોકોને જ ફસાવે છે. પીઢ નેતા
અડવાણી, તેમનાં પુત્રી પ્રતિભા અને પત્ની ગીતિકાને પણ મતદારયાદીમાં
નામ નહીં હોવાનાં કારણે ચૂંટણીપંચે નોટિસ આપી હતી.
