નવી
દિલ્હી, તા. 15 : મેરેથોન
દોડવીર ફૌજા સિંહનું સોમવારે પંજાબના જલંધર જિલ્લામાં તેમના પૈતૃક ગામે લટાર મારવા
નીકળતી વખતે અજાણ્યા વાહનની ટક્કરથી મૃત્યુ થયું છે. વિશ્વના સૌથી વૃદ્ધ 114 વર્ષના દોડવીર ફૌજાના નિધનની પુષ્ટિ લેખક ખુશવંત સિંહે
કરી હતી. પંજાબના રાજ્યપાલ ગુલાબચંદ કટારિયાએ
દુ:ખ વ્યક્ત કર્યું હતું અને તેમણે લખ્યું કે મેરેથોન દોડવીર અને દૃઢતાના પ્રતીક સરદાર
ફૌજા સિંહના નિધનથી મોટી ક્ષતિ થઈ છે. તેમનો વારસો નશામુક્ત પંજાબ માટે પ્રેરણા બની
રહેશે. તેમનો જન્મ 1 એપ્રિલ 1911ના રોજ પંજાબના જલંધર જિલ્લાના બિયાસ પિંડમાં થયો હતો.
તેમણે 90 વર્ષની ઉંમરે આંતરરાષ્ટ્રીય સ્તરે
મેરેથોન દોડવાની શરૂઆત કરી હતી. આ ઉંમરે મેરેથોન દોડવાના તેમના નિર્ણયથી લોકો આશ્ચર્યચકિત
થયા હતા. તેમની હિંમત અને દૃઢ નિશ્ચયને કારણે ફૌજા સિંહ `ટર્બન્ડ ટોર્નેડો' તરીકે પ્રખ્યાત
થયા. આ નામે તેમની બાયોગ્રાફી પણ બની છે. ફૌજા સિંહે 90 વર્ષની ઉંમરે પોતાની પહેલી મેરેથોન પૂર્ણ કરી હતી.
2004માં તેમણે 93 વર્ષની
ઉંમરે લંડન મેરેથોન પૂર્ણ કરી હતી. 2011માં, 100 વર્ષની ઉંમરે, તેમણે ટોરેન્ટો
મેરેથોન પૂર્ણ કર્યું હતું અને 100 પ્લસ
કેટેગરીમાં રેકોર્ડ બનાવ્યો હતો. તેઓ વિશ્વના સૌથી વૃદ્ધ મેરેથોન દોડવીર હતા.
