સચિવો વિભાગીય સંકલન વધારે : મોદી

નવી દિલ્હી, 30 : વડાપ્રધાન નરેન્દ્ર મોદીએ મંગળવારે સરકારી સચિવો સાથે વાતચીત કરી અને તેમની સાથે બે મુખ્ય મુદ્દાઓ - `વ્યવસાય કરવાની સરળતા' અને  `જીવનની સરળતા' માટે નિયંત્રણમુક્તિ અને અન્ય સુધારાઓ અને `આત્મનિર્ભરતા'ને પ્રોત્સાહન આપવા પર ચર્ચા કરી હતી. અધિકારીઓએ જણાવ્યું હતું કે, વાતચીત દરમિયાન સચિવોએ બે મુખ્ય થીમ્સ અનુસાર તેમના મંત્રાલયો અને વિભાગો દ્વારા લેવામાં આવતા મુખ્ય પગલાંઓની રૂપરેખા આપી હતી. તેમણે જણાવ્યું હતું કે, ચર્ચા બે મુખ્ય વિષયો પર કેન્દ્રિત હતી - પહેલો વિષય `વ્યવસાય કરવાની સરળતા અને જીવનની સરળતા માટે નિયંત્રણમુક્તિ અને અન્ય સુધારા' હતો, જ્યારે બીજો વિષય `આત્મનિર્ભરતાને પ્રોત્સાહન' હતો. સચિવોએ વડાપ્રધાનના વિઝનને કાર્યક્ષમ પરિણામોમાં રૂપાંતરિત કરવાના ચાલુ પ્રયાસો પર પ્રકાશ પાડ્યો હતો અને ક્ષેત્ર-વિશિષ્ટ પડકારોની ચર્ચા કરી શાસન અને સેવા વિતરણને વધારવા માટે તેમની ભાવિ વ્યૂહરચનાઓની રૂપરેખા આપી હતી. મોદીએ સમગ્ર સરકારનો અભિગમ અપનાવવા અને વિભાગીય અવરોધો તોડવાના મહત્ત્વ પર ભાર મૂક્યો હતો.