એફઆઇએચ પ્રો લીગની છેલ્લી મેચમાં ભારતીય હોકી ટીમનો વિજય

લંડન તા.29: એફઆઇએચ પ્રો લીગના આખરી મુકાબલામાં ભારતીય પુરુષ હોકી ટીમનો રસાકસી બાદ પેનલ્ટી શૂટઆઉટમાં ઈંગ્લેન્ડ વિરૂધ્ધ 3-2 ગોલથી રોમાંચક વિજય થયો હતો. બન્ને ટીમ નિર્ધારિત 60 મિનિટમાં ગોલ કરી શકી ન હતી. એકસ્ટ્રા ટાઇમમાં પણ ગોલ થયો ન હતો. આ પછી પેનલ્ટી શૂટઆઉટથી ફેંસલો લેવામાં આવ્યો હતો. જેમાં ભારત તરફથી અભિષેક, શિલાનંદ લાકડા અને હાર્દિક સિંહે ગોલ કર્યા હતા. ઇંગ્લેન્ડ તરફથી બે ખેલાડી જ ગોલ કરી શકયા હતા. હોકી વર્લ્ડ કપ અગાઉ ભારતીય ટીમનો આ આખરી ઈન્ટરનેશનલ મેચ હતો. એફઆઇએચ પ્રો લીગના શરૂઆતના રાઉન્ડના નબળા દેખાવને લીધે ભારતીય ટીમ હાલ 8મા ક્રમે છે. બેલ્જિયમ અને ઇંગ્લેન્ડ પહેલા-બીજા સ્થાને છે.